Satire : Si « Panafricain » ar « panique-Africaine »

Satire : Si « Panafricain » ar « panique-Africaine »


Acimi akka i tekker di lezzayer tamannaɣt ? yiwen inna : « d isiriyen-nni i ixedmen la marche », wayeḍ iqqar :« sserɣen lbusṭa-nni tameqrant », …… yal yiwen acu d-iḥekku. Ziɣ netni, ur tenteɛni ara maḍi taluft. Tteklen di tmurt-nsen i llan, iniɣ am nettat am netni, s teɛrabt-tinneslemt i tettcehhid di sin.


Seg mi ara yali wass, gar iberdan, ad tteḥnunufen, ad ssuturen talqimt, neɣ cwiṭ n usurdi. Ad skenfiḥen, ad smejgiren, ad ttarwen, ad sludduyen.

Ur tezmireḍ ara ad ten-tɛeqleḍ d acu-ten ? Imi, am netni am izzayriyen yerran ddel d aggaw, ulac lxilaf. Ad llaẓen, ad ḥnunfen, ad ten-sbexṣen iǧadarmiyen yerna ad ttfeǧǧiǧen deg umejriw : « ḥemdulleh, tura teffeɣ fransa ».

Ziɣ d wid-nni d-yulin si tefriqt n wadda ar tefriqt ugafa i ɣef teɣli tdebbuzt. Rewlen-d si lḥif aberkan, ttnadin talqimt, ttnadin ad ddarin leɛnaya, ad xedmen, ad ssuzfen laẓ. Maca imi berriket teglimt-nsen, ishel ad tent-ɛeqleḍ. Netni diɣ, zik i ttnekkaren akken ad xedmen. Ad ssiwḍen llajuṛ, ad cudden uzzal, ad ɣzen lsas, ….. tameddit, ad ddarin sin lelwaḥ, ad d-smektin taddart-nsen yessedrem lɛesker n fransa d marikan.

Netta izzayriyen yal yiwen acu n tmurt sani yesserwel arraw-is, neɣ ahat tamurt-nsen d fransa. Ur ẓrin deg wumi ara rren tiɣrit, ɣlin ɣef warra-w n tefriqt di tefriqt. Yerna ur llin n MAK ur llin n GPK.  

Tanekra, di internet i twala tin yeḍran. Imi iɣmisen ur ssawalen ara tidett seg mi akken negren ineɣmasen. Yerna tɛud arraw-agi n tefriqt xedmen d MAK, ziɣ d ashetref kan. Imi skud ur sɛin tamurt ara ten-yeṣren, ur ttizmiren ad ilin d tayett i tmura nniḍen.

Dɣa imi tt-yečča wul-is, yerna teẓra belli azekka ulac lqeḍ uzemmur, tṣub ar Bu Ṭbel-nni. Tufan kra n warrac n sénégal din. Uɣalen d iwraɣen, ttergigin si tigdi. Dɣa tqerreb ar yiwen deg-sen, teslef-as i wudem-is, tenna-yas : « Dagi ur yelli ara tagadem, Tamurt Taqbaylit mazal-itt di tafriqt ». I wakken ad ten-id-yuɣal laman, tenna-yasen : « Ass-a imensi s ɣur-i, ma d tissit d netta ». Akken d-yesla akka, issufeɣ-d aqerru-s ddaw ukuntwaṛ Bu Ṭbel-nni.

 Said At Teyyeb

 

Yefɣed ass 09-12-2016


Autre

Un nouveau site web pour le combat Kabyle

Γer amagrad-a

Societé

Taɣzut un village sans sources d'eau lance un appel de détresse

Γer amagrad-a

Societé

Appel aux dons et à la solidarité

Γer amagrad-a

Actualité

Les lycéens Kabyles sont aussi souverainistes

Γer amagrad-a

Culture

Construire des théâtres grecs en Kabylie. Par Ameziane Kezzar et Mohand Lounaci

Γer amagrad-a

Autre

Aider à rapatrier le coprs du défunt DOUBAL Mohand

Γer amagrad-a